CAGAYAN DE ORO CITY – Dili moubos sa 24 ngadto 25-mil ka deboto ang nakahimo’g pamalandong sa duha ka iladong pilgrimage sites nga nakabase sa syudad sa semana santa ning tuiga.
Kini subay sa padayong pag-ihap sa kapolisan kabahin sa mga deboto nga nakasaka sa bukid sa Malasag nga nahimutang sa Brgy Cugman ug Berhin sa Guadalupe nga gisaw-an usab sa kabarangayan sa Tablon,Agusan ug Balubal ning syudad.
Gibutyag ni Police Capt Emilita Simon,deputy spokesperson sa Cagayan de Oro City Police Office o COCPO nga sulod sa halos 24 oras nila nga monitoring,walay bisan unsa nga dili maayong hitabo nga natala sa maong mga lokasyon sa dakbayan.
Kini tungod sa hiniusang paningkamot dili lang sa mga pulis apan sa matag-brgy police nga nahimutang sa maong pilgrimage sites diin anaa usab ang Philippine Coast Guard,Bureau of Fire Protection ug ubang govt agencies.
Hisayrang anaa na sa sobra 19-mil ka deboto ang nakasulod sa Tablon ug laing sobra libo sa entrada usab sa Balubal padulong sa Guadalupe samtang dil usab moubos sa 8-mil ngadto 9-mil ang sa Malasag.
