CAGAYAN DE ORO CITY-Gi-awhag ni Gov Bambi Emano ang 25 ka mayor nga dili kahadlukan ang kaso sa sunod-sunod nga pagpatay sa tibook nasud.
Si Emano miingon nga kinahanglang dili magpadaug ang mga mayor sa mga hulga sa tawo nga gusto mosabotahe sa ilang pagdumala sa lungsod.
Gani, kinahanglan niini nga barugan ang ilang gipanumpaan nga serbisyohan ang publiko.
Gibutyag usab ni Emano nga tahas sa chairman sa Regional Peace and Order Committee ang paghatag seguridad sa tibook mayor sa Misamis Oriental.
Apan, gipahimangnuan ni Emano ang mga mayor nga modangop sa buhatan sa Department of Interior and Local Government o DILG kun ugaling makadawat bahad sa kinabuhi.
Asoy niini nga ang DILG lamang ang makahukom kon angayan nga hataga’g proteksyon ang usa ka alkalde.
