Dul-an 25 ka tawo ang angol, ug usa ang kritikal ang kondisyon sa pagbalintong sa long-distance FlixBus sa Amihanan-Sidlakang Germany.
Segun sa imbestigasyon, ang flixbus mibiyahe pa gikan sa Denmark ug gitakdang muhunong sa terminal sa nasud sa Austria.
Ang aksidente natala sa bandang alas 2:40 sa kadlawon, sa A19 motorway sa estado sa Mecklenburg-Vorpommern, usa sa dalan nga padulong sa Berlin.
Lakip sa grabeng samaran ang mga napaig nga mga pasahero, dihang naabtan pa sa duha ka oras ang pag-rekober kanila.
Hisayran nga migamit sa chopper ang rescuers sa pagdala sa lawas sa mga samaran sa hospital sa Berlin.
Segun sa report, anaa sa 54 ka pasahero, ug duha ka drayber ang sakay sa bus dihang kalit kining misirko.
Anaa sa 20 ka pasahero ang taga Germany, Denmark, Ukraine, France. Laing 20 ka mga pasahero ang taga Italy, Australia, Syria, Japan ug China dihang mahitabo ang trahedya.
