Kapin gatus ka mga flood control projects ang nadiskobrehan sa Armed Forces of the Philippines (AFP) ang nakompleto, apan walay pasilidad nga natukod o mga ghost projects.
Gibutyag ni AFP spokesperson Colonel Francel Margareth Padilla nga gitahasan sila sa palasyo nga mususi sa 30,000 ka ihap sa mga proyekto nga mubatok sa baha, ug anaa na sa kapin 10,000 ang ilang na-inspect.
Sa libuang mga proyekto, 252 niini ang ghost projects sukad 2016 hangtud 2025.
Gikadismaya sa kasundaluan ang ilang inisyal nga resulta sa ilang paglibot-suroy, ilabe na nga walay aktuwal nga implementasyon sa proyekto ug gigamit lang kinini aron makakuha sa pondo.
Gumikan niini, mipasalig ang AFP nga ipadayon ang imbestigasyon aron masiguro nga ang pondo sa publiko magamit sa tinuod nga mga proyekto ug makahatag sa benepisyo sa komunidad.
