(Update) CAGAYAN DE ORO CITY-Nabawi sa militar ang 11 gramos nga high grade nga shabu nga nagbalor sa 250 milyon pesos sa lokasyon nga kontrolado sa ISIS-Maute sa Marawi City,Lanao del Sur kagahapong adlawa.
Kini human nailog sa kasundaluhan ang kontrol maong bahin sa Marawi City sa nagpadayon nga opensiba batok sa 100 ngadto 150 na lamang ka terorista.
Gibutyag ni 1st ID,Philippine Army spokesperson Lt/Col Jo-ar Herrera nga nagsaka na usab sa 257 ka terorista ang napatay sa militar ug kapin 200 ka mga tag-as nga armas ang ilang nailog sa mag-28 ka adlaw nang engkuwentro sa maong syudad.
Gikasubo lamang ni Herrera tungod kay natala na 62 ka sundalo ang kumpirmadong namatay samtang kapin 200 ang samaron nga naka-confine sa nagkadaiyang ospital sa Mindanao ug kauluhan.
