CAGAYAN DE ORO CITY, Philippines – Mikalas na sa 27 ka tawo ang lapad nga sunog sa lasang sa South Korea.
Namahayag si Acting President Han Duck-soo nga nabutang sa kritikal nga kahimtang ang ilang nasud tungod sa paspas nga pagkaylap sa kalayo.
Mukabat na sa 120 ka mga choppers ug libuan ka mga personnel ang gideploy kuyog sa mga bombero aron paspas nga makontrolar ang kalayo.
Una niini, ang kusog nga hangin ug mga balay nga gama sa light materials ang unang naugdaw sa sunog sa lasang.
Miingon si Im Yun Bun, Presidente sa Red Cross Andong City nga nagkulang na sila sa pagkaon, ug medical supplies alang mga pamilyang adunay mga katigulangan nga nagbaton sa hinanaling medical nga attensyon.
Lakip sa nasunog ang lugat sa Uiseong, Andong, Cheongsong, Yeongyang, Sancheong ug uban pang mga syudad nga anaa sa habagatang bahin sa South Korea.
Sa pagkutlo ning balita misaka pa sa 35,810 ektarya sa duluna ang nalamoy sa kalayo nga midamyos sa 300 ka mga istruktura, ug anaa sa 27,000 ka mga residente ang nawad-an sa puy-an.
Lakip sa naugdaw ang 1,300 ka tuig nga Gounsa Temple, ang templo sa mga Buddhist ug ang Hahoe Folk Village, nga pulos giila isip UNESCO World Heritage site.
