CAGAYAN DE ORO CITY -Gidumdom ug gihalaran sa laing higayon sa mga kabanay ug govt officials ang mga kalag sa 104 ka tawong sakay sa nahagsa nga Cebu Pacific Flight 387 sa Mount Sumagaya,Claveria,Misamis Oriental karong buntag.
Kini agi’g paghatag sa dakong importansya sa maong hitabo nga naghatag sa daghang pagtulun-an pag-abot sa pag-maneho sa mga eroplano ug kaluwasan sa mga sakay niini nga mga pasahero.
Miingon si Roy Waga,consultant sa MisOr Provincial Information Office nga adunay gihalad nga santos nga misa sa CebuPac Shrine nga gitambungan sa pipila ka mga paryente sa mga biktima ingon man ni Gov. Peter Unabia ning orasa.
Gibutyag ni Waga nga simple lang ang kalihukan inabunan sa paghalad sa bulak sa tiilan sa Shrine nga timaan nga wala kalamti ang mga biktima sa pinakangilngig nga trahedya nga nahitabo sa kasaysayan sa Pilipinas sa natad sa kawanangan.
Dumduman nga ang maong eroplano gika’g kauluhan apan mihapit sa Tacloban City hinungdang sa pagpaingon na sa Lumbia Airport, nabangga sa taas nga bukid niadtong Pebrero 2,1998 takdo ika-27 ka tuig na ning adlawa.
