Patay ang labing menos 28 ka bata og 1 ka magtutudlo human nahugno ang atop sa usa ka eskwelahan sa Pakistan kagahapong adlawa.
Kapin sa 50 ka tawo ang naangol sa insidente, samtang pipila kanila ang natanggong ilalom sa nagun-ob nga bahin sa bilding.
Atol sa maong insidente, diha-diha dayun mi responde ang mga rescuers alang sa pagluwas ug pag tabang sa mga biktima lakip na ang pagdala kanila sa balay tambalanan.
Samtang nangandam usab ang mga ospital sa pagdawat ug pagtambal sa mga biktima, lakip na ang mga anaa sa kritikal nga kahimtang.
Padayon pang giimbestigahan sa mga awtoridad ang hinungdan sa pagkahugno sa atop. (jane abulag)
