CAGAYAN DE ORO CITY-Ilugwa sa Philippine Drug Enforcement Agency o PDEA ang dugang 274 ka pangalan sa suspected brgy narco-politicians sa publiko ning bulana.
Kini bisan nga maini’g pagsaway ang PDEA kon nganong wala na lamang kasuhi ang mga suspected naro-politicians inay gipakita sa katawhan.
Miingon si PDEA Director III Wilkins Villanueva nga may hukom sa korte suprema nga mas gipaboran ang interes sa katawhan nga masayod itandi sa pribasiya sa govt officials nga suspek sa kremin.
Gihimo kini sa PDEA aron magiyahan usab ang katawhan sa botaran nila nga mga kandidato sa Brgy ug SK elections sa Mayo 14 ning tuiga.
Samtang gipahimangnuan sa 4th ID,Philippine Army ang mga brgy ug SK candidate nga dili mobayad sa pagpangilkil sa rebeldeng New People’s Army o NPA.
Kini aron dili sila makasuhan kon makuhaa’g ebedensiya nga naghatag sa permit to campaign fee sa mga rebelde sa kabukiran.
Gihimo ni 4th ID spokesperson 1Lt Tere Ingente ang bahad nunot sa reports nga nagsugod na’g pangayo sa mga kandidato nga nangampanya sa lugar diin giingong kontrolado sa mg armado.
Nasayran nga dul-ag 300 ka brgy sa rehiyon ang gipaubos sa election watchlist areas o EWAS ning tuiga.
