Gusto sa grupong Makabayang Koalisyon ng Mamamayan / Makabayan Bloc sa ubos balay-balauranan nga paphaon sa katungdanan si Pangulong Bongbong Marcos pinaagi sa impeachment case.
Kini ang rason nga gihandos sa grupo ang ikaduhang impeachment case batok Marcos ning adlawa.
Apan dismayado ang grupo kay wala dawata sa buhatan sa Office of the House Secretary General ang ilang mga dokumento.
Kini tungod kay atua sa Taiwan si House Secretary General Cheloy Garafil rason nga nagbilin na lang sa kopya sa ilang kaso kontra Marcos.
Gibutyag ni ACT Teachers partylist Rep. Antonio Tinio nga kabahin sa basehan nila pagpapha kang Marcos kay giingong nabulahan kini sa grabeng kickbacks gikan sa anomalosong flood control projects nga gipatuman sa DPWH sa nasud.
Dumduman nga una nang nakaduso’g impeachment complaint si Atty Andre De Jesus batok Marcos diin naghulat na lang sa hukom ni House Speaker Faustino Dy III kung ipatuki sa komitiba sa hustisya.
Hisayrang sugo sa konstitusyon nga usa lang ka impeachment complaint angay angay masang-at batok sa impeachable official nga matag-tuig nga naglakip kang Marcos.
