CAGAYAN DE ORO CITY- Gipanguluhan nila ni OPPAP Sec Carlito Galvez ingon man sa local govt unit officials ang pagdumdom sa ikaduhang tuig kon giunsa pagbangon sa Maranao-Muslims sa pagpangatake sa teroristang Maute-ISIS sa Marawi City ning adlawa.
Miingon si Task Force Bangon Marawi chairman Sec Eduardo del Rosario nga tapuson ang ‘observance week of peace’ sa Marawi pinaagi sa simple nga kalihukan tinambungan sa mga bakwit sa city hall ning adlawa.
Dalikyatan usab nila ni Galvez ug ubang govt officials ang ground zero kuyog ang 40 ka international media aron masaksihan ang kamulo nga reconstruction ug rehabilitation efforts sa gobierno mapatindog balik ang Marawi City.
Samtang gihagit ni kanhi senatorial candidate ug Marawi Suicide Group member Samira Gutoc ang bag-ong napili nga mga senador ug kongresita nga dili kalimtan ang pagtabang sa mga bakwit sa Marawi City.
Gihimo ni Gutoc ang apelar alayon sa pagdumdom sa laing tuig diin nagusbat ang kahimtang sa Marawi City tungod sa lima ka bulan nga gubat sa tuig 2017.
Mohimo usab sa kalihukan ang civil society groups ilabina ang pagbutang sa marker sa makbara o sementeryo diin nalubong ang mga biktima sa giyera.
Si Gutoc kuyog ang ubang Maranao-Muslims ang kabahin sa mihimo’g rescue operations sa nalukong nga mga Kristiyano aron dili pamatyon sa Maute-ISIS group samtang natigayon ang giyera.
