Mitala’g tulo ka residente ang samaron apan dili grabe ang pag-ulbo sa sunog sa Lapaz 2,Kolambog, Brgy Lapasan ning syudad kagahapon sa udto.
Matud ni BFP-Lapasan Station commander Fire Insp Louise Salumo nga nagsugod ang pag-ulbo sa kalayo sa ikaduhang andana sa balay nga iya ni Ivory Domecillo tungod sa giingong napasagdan nga pagluto kagahapon sa udto.
Siya miingon nga anaa sa unom ka balay ang naabo ug lain unom ang parsyal nga nadamyos sa sunog diin dunay structural damage nga 450-mil pesos.
Samtang namahayag usab si Lapasan Punong Brgy Julito Ogsimer nga kasamtangang gipahimutang nila sa centro covered court ang mga biktima sa maong sunog.
Napulo ka adlaw usab nila atimanon sa brgy ang mga biktima ayha makabalik sa lokasyon diin nagbarog ang ilang mga balay.
