CAGAYAN DE ORO CITY – Kumpleto nang narekober ang 3 ka sakop sa pamilya nga nahugnuan sa midahiling yuta sa Sitio Minalong,Kitaotao,Bukidnon.
Kini human kompirmaha sa Kitaotao MDRRMO nga nakit-an na katapusang missing nga biktima nga si Elizabeth Cortez daplin sa sapa sa Brgy Balocbocan nga dugta na kagahapong adlawa.
Miingon ang buhatan nga gilayon na nila nga gilubong sama sa ilang gihimo sa amahan sa bata nga si Randy Cortez kay ubos na sa state of decomposition.
Dumduman nga unang nakit-an ang inahan sa bata nga si Echel Cortez didto sa Kabakan,North Cotabato sa pagka-ugma sa Oktobre 15 sa gabii nga maoy pag-igo sa landslide sa ilang balay.
Hisayrang gipatuman na ang ‘no build zone’ sa lokasyon diin nahitabo ang pagkahugno sa yuta.
