CAGAYAN DE ORO CITY – Kasuhan sa babayeng police nga complainant sa public alarm and scandal ang tulo ka babaye nga nagbugno tungod lamang sa pag-ilog sa ka-relasyong lalaki diha sa Brgy Balulang ning syudad.
Kini human unang gikasuko sa 26 anyos nga si alyas Loida nga gihatagan sa iyang hinigugma nga si alyas Lolong sa engage ring ang laing babaye nga naila nga si alyas Mining.
Misulay unta sa pag-aparta ang silingan nga si alyas Neneng sa pagbugno ni Loida ug Meneng apan naapil na hinoon kini nga nabun-og.
Ulahi na lamang usab nga nadiskobre ni alyas Neneng nga ka-relasyon diay ni Lolong ang unang duha ka nagbugno.Sa laktod,ka-relasyon ni Lolong si Loida sulod tulo ka bulan,lungtad usab sa unom ka bulan na sila ni Mening ug nakakurat kay usa ka tuig na sila ni Neneng.
Kini ang hinungdan nga nag-trending ang pangalan ni Lolong ug may mga nangutana kon unsa’y dagon nga hawid niini nga nakadagit ma’g tulo ka managsilingang babaye nga gilumpong isip ka-relasyon.
