CAGAYAN DE ORO CITY – Gikompirmar ni DILG regional director Arnel Agabe nga may tulo ka brgy opisyales na ang nakasuhan na’g kurapsyon sa CIDG-10 sa nagkadaiyang piskalya sa rehiyon.
Kini human gi-reklamo sa pipila ka pamilya ang pipila ka brgy kapitanes sa pabor-pabor nga paghatag sa SAP financial pagkage ning panahon sa krisis.
Miingon si Agabe nga daghan na sila’g reklamo nga nadawatan nga gipaimbestigaran sa mga otoridad.
Una nang gibutyag ni CIDG-10 regional director Col Harold Ramos nga siyam na ang kasuhan nila nga brgy officials tungod sa anomaliya sa SAP.
Samtang giangkon ni Association of Brgy Council o ABC Federation President City Councilor Alam Lim nga may mga kapitanes nga gipaubos sa imbestigasyon sa DILG ug CIDG-10 ning syudad.
Kini human nakaabot sa maong mga ahensiya ang mga reklamo nga giduso sa pipila ka pamilya nga pakyas makadawat sa ayudang pinansyal sa kagamhanan.
Apan miklaro si Lim nga bisan usa ka brgy kapitan,wala pa’y nakasuhan.
Una niini,gibutyag sa CIDG-10 nga may kasuhan sila nga taga-Brgy Bulua tungod sa giingong anomaliya sa pagpanghatag sa SAP.
