Tulo ka Filipino nga kardinal mibiya sa Manila niadtong, Lunes paingon sa Roma aron motambong sa unang consistory nga gipatawag ni Pope Leo XIV, usa ka importante nga asembliya sa labing hataas nga opisyal sa Simbahang Katoliko.
Si Cardinal Jose Advincula, arsobispo sa Manila; Cardinal Pablo Virgilio David, obispo sa Kalookan; ug Cardinal Orlando Quevedo, arsobispo emeritus sa Cotabato, mokuyog sa mga miyembro sa College of Cardinals alang sa consistory nga naka-iskedyul sa Enero 7-8.
Gilauman usab nga motambong sila sa closing Mass sa Ordinary Jubilee of 2025 nga pangulohan sa papa sa St. Peter’s Basilica sa Enero 6, ang pista sa Epiphany.
Si Cardinal Luis Antonio Tagle, usa ka Filipino prelate nga base sa Roma ug nagserbisyo isip pro-prefect sa Dicastery for Evangelization, motambong usab sa consistory.
Tungod kay ang consistory matapos sa bisperas sa pista sa Jesus Nazareno, si Advincula dili makaaten sa selebrasyon karong tuiga sa Manila nga gilauman nga magdani og milyon-milyon nga deboto.
