CAGAYAN DE ORO CITY – Gihulatan karon nga iyagyag ni City Mayor Rolando ‘Klarex’ Uy ang findings sa gihimong re-investigation pinaagi sa adhoc committee nga gipanguluhan ni Kag James Judith kabahin sa distribusyon sa sobra 700-milyones pesos nga Enhanced Community Quarantne o special ECQ ayuda gikan sa natl govt alang sa katawhan dakbayan sa administrasyon ni kanhi City Mayor Oscar ‘Oca’ Moreno.
Kini human kompirmaha ni Judith nga natapos na ang imbestigasyon ug iya nang natugyan ang bulto nga mga dokumento sa buhatan sa mayor.
Miingon ang konsehal nga dili niya unhan ang mayor sa pagtumbok kon kinsa ang city govt officials nga nasapon nga miwaldas sa maong salapi.
Gikompirmar ni Judith nga may 3 ka govt officials nga nakit-an sa findings nga dunay tulubagon sa balaod gumikan sa kuwestiyonable nga pag-release sa ECQ ayuda sa libuang pamilya nga apektado sa COVID-19 pandemic.
Tipik sa findings ang tinuyo nga double entry sa pangalan sa claimants sa daghang brgy dinhi sa syudad.
Sa miaging semana,mihimo’g follow up ang Bombo Radyo kabahin sa resulta sa imbetigasyon ug kini ang rason nga mihatag sa inisyal nga impormasyon ang konseho alang sa publiko.
