CAGAYAN DE ORO CITY – Gitakdang mohimo’g special report ang komitiba sa environment sa konseho kabahin sa nabulgar nga land exploration sa tulo ka Chinese mining companies sa upat ka brgy sa syudad.
Miingon si Konsehal Eric Salcedo,chairman sa komitiba nga nakurat siya niini dihang gihatagan sa kasayuran gikan ni CLENRO officer Engr Armin Cuenca.
Dugang ni Salcedo nga angay mohatag usab sa katin-awan ang liderato sa DENR-MGB 10 niini kon nganong gi-bypass nila ang city govt sa maong kalihukan.
Patikular nga gisudlan sa maong Chinese mining companies sa ilang pagkalut-kalot sa yuta ang Dansolihon Tagpangi, Pigsag-an ug Brgy Tumpagon ning syudad.
Samtang dismayado ang City Local Environment and Natural Resources Office o CLENRO ngadto sa Mines and Geosciences Bureau -10.
Kini tungod kay wala sila pahibal-a nga may tulo ka Chinese companies ang mihimo’g mining exploration sa bukirang bahin sa syudad.
Gipanganti ni CLENRO head Engr Armen Cuenca nga ilang ipapanubag ang maong anhensiya ilabina nga nakahatag peligro ang mining exploration sa mga residente sa dakbayan.
