CAGAYAN DE ORO CITY-Balik na sa ilang pamilya ang tulo ka construction workers nga gilangoy ang Lake Lanao maka-
eskapo lamang sa teroristang Maute sa Marawi City.
Kabahin sa mga naka-eskapo human milangoy sa Lake Lanao sila si Jan- Jan Ismayatin;Roque Vicoy Jr ug Palang Nano nga taga Iligan City.
Gibutyag ni Ismayatin nga misulod una sila sa bangag sa Lake Lanao ug nagpaabot sa pila ka oras ayha subli milangoy.
Nakasakay na unta sila sa nakit-an nila nga bangka apan buslot ang tunga nga bahin niini hinungdan napugos sila pagbugsay padulong sa daplin gamit na lamang ang ilang mga kamot.
Hisayrang sa miaging semana,laing lima ka construction workers gihapon diin duha kanila ang milangoy sa Lake Lanao
aron makasibat sa bangis nga mga terorista nga naghulat kanila kon kanus-a makagawas sa ilang gitaguan sa Marawi City.
