CAGAYAN DE ORO CITY – Gi-depensa sa liderato sa Cagayan de Oro City Police Office o COCPO ang sunod-sunod nga pagkatulis sa tulo ka convenience stores ning syudad.
Kini human ulahi nga gitulis sa ‘boy solo’ suspect ang 7-Eleven store diha sa Velez-Yacapin Streets ning syudad sa miaging gabii.
Gibutyag ni COCPO spokesperson Maj Evan Viñas nga wala magpasagad ang PNP sa pagmintinar sa kahusay ug kalinaw sa dakbayan.
Una nang natulis usab ang branches sa maong patigayon sa Brgy Lapasan ug Brgy Kauswagan nga pakyas pa gihapon madakpan ang mga tulisan sulod lamang ning bulana.
Hisayrang sa maong mga pagpanulis,libuang mga salaping cash gikan sa maong mga patigayon ang nadala sa gawasnon pa nga mga tulisan.
