CAGAYAN DE ORO CITY – Gihikay na mga hingtungdang ahensiya ang mga dokumento aron mahatagan sa mga benepisyo gikan sa gobierno pinaagi sa Enhanced Comprehensive Local Intergration Program o E-CLIP ang tulo ka aktibong sakop sa rebeldeng New People’s Army o NPA nga naglihok sa Bukidnon.
Kini human gisalikway sa maong mga rebelde ang armadong pakigbisog sa CPP-NPA ug mibalik sa kagamhanan pinaagi sa 1003rd Maneuver Company sa Regional Mobile Force Batallion 10 sa Barangay Halapitan,San Fernando.
Nadawat ni Police Regional Office 10 Director Brig Gen Jaysen de Guzman ang taho gikan sa maong PNP unit nga maoy mitahan sila alyas Scorpio, team leader sa GF Malayag,SRC,Northern Mindanao Regional Committee; alyas Tisoy,supply officer ug alyas Junrey,supply officer nga pulos naggikan sa maong lugar.
Dako usab ang tabang sa military sa lugar aron makuha sa hingpit ang mga mitahan nga mga rebelde.
Dala sa mga mitahan ang improvised shotgun nga kuyog magazine, shotgun nga no magazine, 32 caliber revolver,improvised revolver ug nagkadaiyang mga bala sa armas.
Hisayrang daghan na sa mga sakop sa CPP-NPA nga mitahan sa gobierno ug nahatagan sa laing higayon mapgkabuhi sa normal.
