CAGAYAN DE ORO CITY – Nag-atubang na sa kasong pagsupak sa Comprehensive Dangerous Drugs Act of 2002 sa piskalya ang tulo ka suspected pushers-users sa illegal nga drogang shabu sa piskalya sa syudad.
Kini human milampos ang operating units sa PDEA 10 paglusob sa ‘suyupanan’ o drug den sa Barangay Camaman-an ning dakbayan.
Miila si PDEA 10 regional director Atty Benjamin Gaspi sa mga dinakpan nga sila alyas Jin,28 anyos; alyas Jon,27 anyos ug alyas Yor,38 anyos nga tanan nagpuyo sa nahisgutang brgy.
Nabawi sa mga operatiba ang gikan sa mga dinakpan ang sais gramos sa illegal nga drogang shabu nga dunay balor 40-mil 800 pesos.
Detinado una sa mini-cell sa PDEA office ang mga dinakpan samtang gihulatan ang ‘commitment order’ gikan sa korte kabahin sa ilang atraso sa balaod.
