CAGAYAN DE ORO CITY – Nakompiskar sa kapolisan gikan sa tulo ka dinakpan ang balor 481-mil pesos nga sigarilyo nga tinguha ipalusot sa checkpoint sa Barangay Linuk,Madalum,Lanao del Sur.
Si Lanao del Sur Police Provincial Office Director Col. Robert Daculan miila sa mga dinakpan nga sila alyas Halim;alyas Jala ug alyas Arip nga pulos nagpuyo sa Bacolod Kalawi,Lanao del Sur.
Nakuha gikan sa mga dinakpan ang lima ka kahon ug unom ka sako nga puno sa nagkadaiyang klase sa mga sigarilyo.
Gikusdiya una sa mini-cell sa kapolisan ang mga dinakpan samtang itugyan sa Bureau of Customs ang mga nabawi nga sigarilyo alang sa imbentaryo niini.
