CAGAYAN DE ORO CITY-Gipatuman sa administrasyon sa University of Science and Technology of Southern Philippines o USTP ang “3-day class suspension” sa tibook unibersidad sa Barangay Lapasan ning syudad.
Kini aron ipaabot sa mga staff, magtutudlo, ug magtutungha ang ilang pagbangutan sa kamatayon ni USTP President Dr Ricardo Rotoras.
Matud ni Jen Sitoy,USTP staff planning office nga gihaya karon sa USTP gym si Dr Rotoras diin daghang aktibidadis ang naka-linya sama na lamang sa misa ug public viewing ilabina nga giduaw siya sa kauban niini sa Philippine Association of State Universities and Colleges o PASUC.
Gitin-aw usab ni Sitoy nga lakip sa “3-day class suspension” ang tanang unibersidad nga ubos sa USTP sama sa Misamis Oriental State College of Agriculture and Technology o MOSCAT sa Claveria; USTP sa Jasaan, Oroquieta ug Panaon.
