CAGAYAN DE ORO CITY, Philippines – Wala nay makapugong sa grupong Pagkakaisa ng mga Samahan ng Tsuper at Opereytor Nationwide o PISTON sa ilang ilusad nga tolo ka adlaw nga “transport pahulay”.
Gihimo ni PISTON National President Mody Floranda ang pamahayag human nahukman sa ilang grupo nga muduyog sa lihok protesta nga unang gikasa sa grupong Samahang Manibela Mananakay at Nagkaisang Terminal ng Transportasyon o MANIBELA, ning semanaha.
Ipalanog sa duha ka transport group ang palpak nga eksperimento sa LTFRB ug Department of Transportation kalabot PUV Modernazation Program.
Nagtoo si Floranda nga daghan sa ilang mga kaubang driver ug operators ang nabudol sa gobyerno.
Una niini, daw naibtan sa tunok ang pundok sa PISTON ug MANIBELA tungod kay 22 sa 23 ka mga senador ang mipatuman sa suspensyon o kontra-kamanduan ni Presidente Ferdinand Marcos Jr., sa Public Utility Vehicle Modernization Program (PUVMP).
Giawhag ni Floranda si Marcos nga erebyu ug tun-aw ug maayo ang nasang-at nga Philippine Senate Resolution o PSR no. 1096.
Ang transport pahulay sugdan sa Agosto 14 hangtud sa ika-16.
