CAGAYAN DE ORO CITY-Nasikop sa kapolisan ang tulo ka suspected drug pushers nga nagpahigayon sa ilang transaction sulod sa usa ka motel diha sa JR Borja Extension ning syudad kaganihang kadlawon.
Giila ang target nga si Andres John Orbes,Analiza Navarro ug ang shabu source nila nga si Karem Buriano kinsa taga- Marawi City.
Gibutyag ni Agora Police Station deputy commander Sr/Insp Rutherfood Ondin nga nakuha gikan sa mga suspek ang 30 gramos nga gitoohang shabu diin may bana-banang balor nga P200-mil.
Kasuhan ang mga suspek sa pagbaligya’g gidiling droga sa piskalya sa syudad sa adlaw’ng Lunes.
