CAGAYAN DE ORO CITY – Nadakpan sa hiniusang operasyon sa Philippine National Police ug Philippine Drug Enforcement Agency ang tulo ka suspected drug pushers nga naglihok sa Barangay Bagontaas,Valencia City,Bukidnon.
Gibutyag ni PDEA 10 regional director Atty Benjamin Gaspi nga maoy nadakpan sa Valencia City Police Station inabagan sa ilang mga operatiba sila alyas Gerard,30 anyos,minyo,taga-Impasug-ong; alyas Marvin,36 anyos,minyo ug alyas Boni,37 anyos,minyo nga pulos taga- Bagontaas.
Nakompiskar gikan sa mga dinakpan ang halos 11 gramos sa gitoohang shabu nga nagkantidad sa 72-mil pesos.
Napasayon ang pagkasignit sa mga dinakpan tungod sa lig-ong koordinasyon sa PNP ug PDEA sulod ning tuiga.
