CAGAYAN DE ORO CITY, Philippines – Milampus ang National Bureau of Investigation (NBI) sa pagsikop sa tolo ka mga suspek nga milapas sa Anti-Online Sexual Abuse or Exploitation of Children (OSAEC) and Anti-Child Sexual Abuse or Exploitation Materials (CSAEM) Act, ug RA 9208 as amended by RA 10364, o mas naila isip Expanded Anti-Trafficking-in Persons Act.
Namahayag ang NBI nga gikustodiya na sa Human Trafficking Division (HTRAD) ang mga dinakpan kinsa nalambigit sa lapad nga eksploytasyon sa mga bata aron makagama sa Child Sexual Abuse Materials (CSAMs) nga maoy gamiton isip pornographic video alang sa ilang sex sa livestreaming.
Gibutyag sa NBI nga kining mga pornographic content maoy ilang gipamaligya sa managlahing social media ug video sharing platforms.
Una niini, napagawas sa Angeles Regional Trial Court ang mandamiento-de-aresto sa mga suspek ug naluwas ang walo ka mga biktimang minor de edad.
Upat niini ang nagamit sa dinakpang human traffickers alang sa ilang gisundayag nga live sex videos.
Lakip sa nahipos nga ebidensya sa mga otoridad ang mga devices nga nagbaton sa mga chatlogs nga gigamit sa pagbugaw sa suspek sa mga batan-ong biktima.
