CAGAYAN DE ORO CITY – Gikasuhan na sa pagsupak sa RA 9175 o PRRD Directives Campaign Against Unlawful Destruction of Natural Resources ang tulo ka giingong illegal loggers sa Purok 7, Brgy Southern Looc, Plaridel,Misamis Occidental.
Giila ang mga suspek nga sila Diego Bao-as, 60 anyos, Jarne Bao-as, 30 anyos ug Eddie Bongcawel, 53 anyos nga pulos mga residente sa Purok 2 sa nasampit nga barangay.
Gibutyag ni Capt June Jose Booc,hepe sa Plaridel Police Station nga mipahigayon silag monitoring sa giingong illegal nga tari-tari dihang natagbo ang maong mga tawo nga may ginabas nga kahoy nga walay mga dokumento.
Miingon si Booc nga nakuha usab sa posisyon sa mga suspek ang mga gigamit niining chainsaw.
