CAGAYAN DE ORO CITY – Pa-imbestigaran ni Misamis Oriental Gov Bambi Emano ang pipila sa iyang jail guards on-duty kon nganong dunay nakalusot nga ilegal nga droga ug nag-hithit pa ang nasapon nga persons deprived liberty o PDLs sulod sa provincial jail ning syudad.
Nasapon sa jail guards ang tulo ka piniriso nga naghupot sa pito ka dagkong sako sa gitoohang shabu sulod sa ilang ‘kubol’ sa MOPJ kagahapon sa hapon.
Gibutyag ni MOPJ asst warden Francis Sarangay nga mismo si provincial wardern Col Robert Roy Bahian ang nagpindot kaniya kabahin sa ilegal nga kalihukan sulod sa bilangguan.
Gawas nga kasuhan ang mga nasapon nga piniriso,mag-atubang usab sa administrative investigation ang naka-duty nga jail guards kon nganong nalutsan na usab sa shabu ang prisuhan.
Hisayrang balor sa sobra 200-mil pesos ang nakompiskar nga ilegal nga drogang shabu gikan sa maong mga piniriso.
