CAGAYAN DE ORO CITY – Halos nakabalik ang mga pamilya nga gipanghikling tungod sa mga pagbaha nga epekto sa presensiya sa bagyong Agaton sa upat ka dagkong lugar dinhi sa Northern Mindanao.
Kini human unang mitala sa 881 ka pamilya o 3-mil 345 ka indibidwal ang namakwit kay nasudlan sa tubig-baha ang ilang mga pinuy-anan sa miaging semana.
Gibutyag ni Regine Jamesolanim,technical support staff sa Office of the Civil Defense 10 nga duha lang ka residente ang nagbaton sa minor injuries nga gikan sa Kitaotao,Bukidnon.
Siya miingon nga anaa usab sa 47 ka balay ang nadamyos,sobra 6 milyon pesos ang kantidad sa nadaot nga imprastraktura samtang padayon pa nga gi-assess ang nasinatian nga kadaot sa sektor sa agrikultura.
