PC: Sedrathul Montaha RN Crna
CAGAYAN DE ORO CITY-Napatay sa militar nga mohimo’g airstrike ang mga nabiling sakop sa Maute-ISIS sa lungsod sa Tubaran,Lanao del Sur kagabii.
Kini human mihimo’g military operation ang AFP sa lokasyon ni Maute-ISIS sub commander Abu Dar hinungdan sa pipila ka sakop niini ang giingong namatay.
Apan giklaro ni Joint Task Force Ranao deputy commander Col Romeo Brawner nga wala pa nila makita ang mga lawas sa mga sakop ni Abu Dar gikan sa encounter site.
Gikompirmar usab ni Brawner nga anaa na sa 723 ka pamilya o 3-mil 571 ka tawo na ang nangbakwit gikan sa nagkalain-laing brgy tungod sa maong kagubot.
Nasayran nga kini usab nga grupo ang na engkuwentro sa militar ug PNP dihang gisulong nila ang Marawi City aron unta ilogon ug himoong islamic state dinhi sa Asya.
