CAGAYAN DE ORO CITY-Namakwit ang 3-mil ka residente o 600 ka pamilya sa kalisang epekto sa mikatag nga impormasyon nga dunay molusob nga grupo sa armadong tawo sa Sitio Batinay,Brgy Tagpangi sa syudad kagabii.
Kini human unang gisulti sa usa ka menor de edad nga nakakita siya’g lima ka lalaki nga gidudahang armado nga misulod sa maong
lugar.
Namahayag ang maong wala panganli nga batan-on nga tungod sa maong impormasyon,paspas nga mikatag sa mga silingan hinungdan namiya sa ilang mga pinuy-anan padulong sa covered sa Brgy Lumbia aron mopalabay sa kagabhion.
Una usab niini,gibutyag ni Kap Alexander Torralba nga dili lamang taga-Tagpangi apan bisan ang mga residente sa Pagalungan ug pipila ka sityo sa Brgy Lumbia ang pugsanong nanghikling gumikan sa kalisang sa maong impormasyon.
