CAGAYAN DE ORO CITY – Gitakdang kasuha’g kriminal ang tulo ka armadong suspek nga mi-ambush sa usa ka lalaki nga sakay sa pribadong sakyanan sa Quezon Avenue,Brgy Poblacion,Iligan City.
Giila ni Police Chief Master Sgt Alexander Tapac,imbestigador sa Iligan City Police Office ang biktima nga si Junaid Punguinaguina,hingkod ang edad ug nagpuyo sa Bubong Ramain,Lanao del Sur.
Giila usab ang mga dinakpan nga sila Abdul Rashid Pacasum Macaraya,30 anyos;Aladin Macaraya Andang,43 anyos ug Abdulgafur Potawan,31 anyos.
Siya miingon nga kalit gipaulan sa mga bala gikan sa mga suspek ang biktima hinungdang naigo kini sa lawas ug nadala sa ospital sa maong syudad.
Gisuta pa’g dugang sa PNP ang motibo sa maong kremin.
