CAGAYAN DE ORO CITY-Gilauman ni Provincial Election Supervisor Atty Carlito Ravelo nga tulo ngadto upat ka political forces ang magtigi sa 2019 midterm election sa Misamis Oriental.
Kini bisan nga wala pa’y miduso sa sertipiko de kandidatura sa mga dagkong grupo sa politika nga nakabase sa lalawigan sulod ning adlawa.
Miingon si Ravelo nga gilauman nga si Gov Bamb Emano sa Padayon Pilipino-Hugpong ng Pagbabago ang hagiton sa grupo ni PDP-Laban member Cong Pedro Unabia ug Team Unity party Cong Juliette Uy sa piliay sa probinsya.
Gibutyag ni Ravelo nga posibleng modoso sa ilang mga kandidatura ang maong grupo sulod ning semana o sa katapusang adlaw sa gihatag nila nga deadline.
