CAGAYAN DE ORO CITY – Dul-ag P75,000 nga street value sa shabu ang nakompiskar sa Regional Drug Enforcement Unit kon RDEU 10 gikan sa tolo ka mga tigpayuhot sa druga ning syudad.
Sa aktwal nga drug buy bust operation, nakuha sa posisyon sa suspek ang 15 gramos nga shabu.
Gibutyag ni Police Regional Office 10 spokesperson Police Lt. Col. Mardi Hortillosa II, ang mga suspek nga sila Luigi Taculod Nabaja, DI Listed, 24 anyos ug Aldredo Marsada de Gusman, 30, pulos residente sa Bulao, Brgy. Iponan, ning syudad, ug usa ka Loida Cardinas Boncales, 35, walay trabaho ug lumad nga taga Purok 8, Central Poblacion, Kalilangan, Bukidnon.
Hisayran nga tolo ka semana mihimo’g tailing operation ang mga elemento sa RDEU batok sa ilegal nga pagpayuhot sa mga suspek.
