CAGAYAN DE ORO CITY – Giawhag ni Mindanao International Container Terminal (MICT) port collector John Simon ang publiko nga ireport sa mga hingtungdang ahensiya kung uganing ilang makita ang tulo ka mga koreano nga gikaingong mastermind sa pagpalusot sa tone-toneladang basura sa Tagoloan Misamis Oriental.
Maoy gipasabot ni Simon nga mga koreano silang Chul Soo Cho alyas Charles Cho, Jae Ryang Cho ug Sena Na kinsa konektado sa Verde Soko Industrial Corp.
Miingon si Simon nga kinahanglang ipapanubag ang maong mga tawo sa ilang pagbinastos sa Pilipinas pinaagi sa paglabay sa daghang mga basura.
