CAGAYAN DE ORO CITY – Patay ang tulo ka bata human malukong sa ilang puy-anan sa dakong sunog sa Brgy Poblacion, Kalilangan, Bukidnon.
Gibutyag ni Bureau of Fire Protection o BFP Kalilangan Station chief investigator Senior Fire Officer Roy Obsioma nga gibilin ni Ginang Reyes ang iyang mga anak ikaduhang andana sa ilang puy-anan aron magdula kay siya nanglaba niadtong tungura.
Nakurat ang ginang dihang midako na ang kalayo gikan sa ikaduhang andana sa ilang puy-anan ug gisulayan pagluwas ang iyang mga anak gamit ang basa nga habol.
Napakyas ang ginang sa pagsalbar sa ilang mga anak tungod sa pagsamot sa dako sa kalayo.
Ang nasampit nga balay gipanang-iya sa pamilya De la Cruz ug igo ra ga-renta ang mag-inahan niini.Gisuta pa sa mga otoridad kung nganong nagdilaab ang lawak diin nagdula ang tulo ka bata.
Midamyos ang sunog sa balor 180,000.(Bombo Anne Quileste)
