(Update) CAGAYAN DE ORO CITY-Kasuhan sa rebellion ning adlawa ang tulo ka suspetsadong sakop sa teroristang Maute nga unang nagtago-tago ning syudad apan nasikop pag-abot sa pantalan sa Iloilo City.
Giila ang mga dinakpan nga sila si ljajid Pangumping Romato, 20 anyos gikan sa Sabayle, Iligan City; igsoon nga si Farida Pangumping Romato, 23 anyos sa Brgy Carmen ning syudad ug Abdulrahman Serd Dimakutah, 25 anyos gikan sa Lanao del Sur.
Namahayag si Philippine Coast Guard regional commander Capt Leo Panopio nga pila ka adlaw nila nga gipanid-an ang mga suspek nga nagpondo dinhi sa syudad ayha naka-eskapo sakay sa barko diha sa Macabalan Port aron unta motago sa kauluhan.
Nakalusot sa hugot nga seguridad ang mga suspek tungod sa pagpagamit sa mga peke nga ID.
