CAGAYAN DE ORO CITY-Nadakpan ang 3 ka mga lalaki sa gipahigayong Anti-illegal logging operation sa kapulisan sa Sitio Pasaw, Brgy Dansolihon ning syudad kagahapon sa hapon.
Maoy nadakpan silang Eddie Dayandayan, 34, may live-in partner, taga Upper Lapinig Balingoan, Marlon Salvaña, 44, menyo, taga Mimbuli Salay ug Edward Jalaman, 39, dunay live-in partner, residente sa Alicomohan Sungbongcogon Misamis Oriental.
Gibutyag ni PEMSgt. Roger Buco sa Lumbia Police Station nga ilang nasapon sa akto ang mga suspek nga nagkarga sa red ug white lauan nga walay igong dokumento.
Miabot sa 158 kabuok nga lauan ang gikarga sa Hino Truck nga gipanag-iyahan sa usa ka Andrew Wilson J. Cabana.
Gihikay na ang kasong paglapas sa RA 9175 nga ipasaka batok sa mga suspetsado.
