CAGAYAN DE ORO CITY – Dakpan ang giingong tulo (3) ka mga miyembro sa Moro Islamic Liberation Front (MILF) nga naglaraw nga pagpabusikad sa granada gawas sa polling center sa may Bacong, Marantao, Lanao del Sur.
Padayon pa nga gisuta sa kapulisan ang identity sa mga dinakpan nga suspek nga pulos detinado sa Marantao Municipal Police Station.
Matud ni Lanao del Sur Provincial Police Director Colonel Madzgani Mukaraam, aksidenteng mibusikad ang granada sulod sa sakyanan sa mga suspek sa wala pa nila kini gilabay gawas sa polling precinct sa tunghaan.
Tungod niini, samaran ang duha sa tulo ka suspek human maigo sa duha ka granada ug padayon pang nagpaalim sa balay-tambalanan.
Giimbestigahan pa sa kapulisan ang motibo sa pagpamomba.
