CAGAYAN DE ORO CITY-Patay ang tulo ka motorista sa panagbangga sa duha ka motorsiklo sa Purok 3, Brgy Busque, Linamon, Lanao del Norte.
Giila ni PO2 Ariel Coronel, imbestigador sa Linamon Police Station nga pulos kusog ang dagan sa mga motorsiklo hinungdan sa maong dugu-ong aksidente.
Giila ang mga biktima nga sila si Jay Paculba, 20 anyos; Rene Baysac, 48 anyos ug Carmelito Paculba, 37 anyos nga pulos nagpuyo sa maong lungsod.
Padulong sa magkalahi nga direksyon ang motorsiklo nga gisakyan sa mga biktima dihang nahitabo ang aksidente.
Dead on the spot si Baysac samtang nadala pa sa ospital ang duha ka Paculba ayha nabugtuan sa ilang mga kinabuhi.
