CAGAYAN DE ORO CITY-Patay ang 3 ka backride sa motorsiklo nga mibangga sa dakong truck sa Vamenta Boulevard,Brgy Carmen ning syudad kagabii.
Subay sa inisyal nga imbestigasyon sa Carmen Police Station 4,giila ang duha sa nakabsang biktima nga sila Joseph Niko Obensa,Reynante Operario ug Jason Operario pulos residente ning syudad.
Sa pagkakaron, pabiling nagpaalim sa JR-Borja Memorial City Hospital ang ika-upat nga backride sa motor nga si Jophet Lacheta.
Nakaangkon kini sa daghang pangos sa lawas ug bun-og.
Miingon PO2 Bernard Delote, traffic investigator sa Carmen Police Station nga lango sa ilimnong makahubog ang upat ka sakay sa motorsiklo.
Gihimakak ni Deloto ang report nga hinay ang dagan sa motor tungod sa kataas sa skid mark nga ilang nakita sa accident area.
Gihikay na ang kasong reckless imprudence resulting to multiple homicide, physical injuries ug damage to properties batok truck driver nga si Richard Homreso nga detinado na sa Maharlika Detention Center.
