CAGAYAN DE ORO CITY-Patay ang tulo ka tawo nga gilakipan sa magsoong menor de edad ug usa ka senior citizen sa magkalahing road accident sa pagbalaan sa semana santa sa syudad ug lalawigan.
Kini human wala na matabang sa mga doktor ang magsoong babaye nga kabahin sa upat katawo nga nadisgrasya sa Patpat, Brgy Mambuaya ning syudad kaganihang buntag.
Giila ang magsoon nga si Vanessa ug Jackilyn nga lumad taga-Brgy Dansolihon sa syudad.
Samaron ug naningkamot pa usab maluwas ang laing igsoon ni Vanessa ug Jackilyn ingon man ang ilang uyuan nga gisakyan nila samtang nag-drive sa motorsiklo.
Una niini, patay usab si Basilio Basay, 82 anyos nga nagpuyo sa Brgy Sta Cruz, Tagoloan, Misamis Oriental dihang nahulog sa pangpang ang trisikad nga kargado sa mga ‘butong’ sa lungsod sa Villanueva kaganihang buntag.
