Submitted-for-Resolution ang tolo ka kaso sa malversation of public funds ni Senador Joel Villanueva.
Gikumpirma kini ni Department of Justice (DOJ) spokesperson Atty. Polo Martinez sa gilusad nga press briefing.
Miingon si Martinez nga kini nga mga kaso may kalambigitan sa gisudlan nga anomalosong flood control projects ni Villanueva sa Bulacan.
Gibutyag usa niini nga nasubmitar na sa senador ang iyang counter-affidavits, ug ilakip kini sa ilusad nga ebalwasyon sa piskalya aron masuta kung adunay prima facie evidence ang iyang kaso.
Sa pikas bahin, susamang kaso usab ang gisang-at sa kontraktor nga Wawao Builders ug Topnotch Catalyst Builders Inc., ug pulos mga non-bailable ang mga reklamo.
