Naputol sa Tropang 5G ang ilang tolo ka managsunod nga kapildihan human nila lampasuha sa korte ang San Miguel Beerman, alang sa nagpadayong PBA Philippine Cup, kagabie.
Gipanguluhan ni Calvin Oftana ang team nga mihakot sa iyang 23 puntos, 21 rebounds, ug 6 assists.
Si Simon Enciso nakapuntos sa 13, lakip na ang dagger three nga nakalig-on sa ilang kadaugan.
Krusyal ang ulahing puntos ni RR Pogoy human kini miposte sa iyang ika 14 puntos sa nahibiling 13 segundos sa dula.
Samtang sa Beermen, nasayang lang ang 26 puntos, 6 rebounds, ug 5 assists ni CJ Perez, lakip ang
21 puntos ug 14 rebounds ni Jun Mar Fajardo.
Natapos ang dula sa final score 89-84.
Sunod nga maka-atbang sa TNT ang Terrafirma sa adlaw’ng Biyernes sa Philsports Arena sa Pasig City.
