CAGAYAN DE ORO CITY – Mibuto nga electronic charger ang kabahin sa gitutukan nga rason sa Bureau of Fire Protection o BFP Kalilangan Fire Station sa pagkasunog sa residential house sa Brgy Poblacion,Kalilangan Bukidnon.
Kini human unang gikompirmar ni BFP Kalilangan Fire Station commander SFO2 Anthony Salinas ang kamatayon sa tulo ka magsoong bata kay wala makagawas sa ikaduhang andana sa balay.
Siya miingon nga kabahin sa mga biktima ang magsoong lalaki nga pulos nag-edad 3 anyos ug laing babaye nga nag-edad usa ka tuig pa sa maong lugar.
Subay sa imbestigasyon nga paspas ang pagkaylap sa kalayo gikan sa mibuto nga charger rason nga nagslisod pagluwas ang inahan ug apuhan ngadto sa mga biktima.
Mitala sa damyos nga 180,000 ang maong sunog.
