CAGAYAN DE ORO CITY – Gikumpirmar sa Armed Forces of the Philippines–Western Mindanao Command (AFP-WestMinCom) nga ilang gamiton ang tulo ka major solutions aron matapos na ang kabangis nga hinimoan sa mga Abu Sayyaf Group (ASG) ug uban pang teroristang grupo sa probinsya sa Sulu.
Si Westmincom spokesperson Major Arvin Encinas miingon nga paningkamutan nila nga molampos sa ilang target nga taposon ang mga Abu Sayyaff sa tuig 2019.
Gikinahanglan usab nga palig-onon nila ang relasyon sa komunidad aron makabaton sa daghang higala ang militar.
Sa pagkakaron, mas gipalambo pa sa Westmincom ang ilang tactical operational solution kauban ang provincial government ug uban pang local government agencies.
