CAGAYAN DE ORO CITY-Napatay sa militar ug kapolisan ang tulo ka miembro sa Maute-ISIS group nga nagtagu-tago sa Brgy Lumba Punud,Pantar,Lanao del Norte kagahapon sa buntag.
Kini human nakig- engkuwentro ang grupo sa suspek nga si Omar Daiser kinsa kanhi binilanggo sa Marawi City Jail ug naka-eskapo atol sa giyera niadtong Mayo
23,2017.
Miingon si Joint Task Group Lanao del Norte commander Brig/Gen William Alunday nga si Daiser ang adunay kasong tulis ug pagpatay hinungdan nga gibilanggo kaniadto.
Natumbok usab nga si Daiser ang kanhi sakop ni former City Mayor Solitario Ali kinsa wanted tungod sa giingong pagpaluyo sa pag-atake sa Maute-ISIS group sa Marawi City sa miaging tuig.
Nakompiskar gikan sa mga suspek ang upat ka M-16 rifles,tag-usa ka M203 grenade launchers,9mm pistol ug ubang mga kagamitan sa giyera.
