CAGAYAN DE ORO CITY-Bitbit sa tulo ka miembro sa Maute ISIS ang M2 Carbine rifle, mga bala ug magasin sa ilang pagtahan sa 49th Infantry Battalion sa Sultan Dumalondong,Lanao del Sur.
Gipasalamatan ni AFP Westmincom spokesperson Col Gerry Besana ang lokal nga kagamhanan tungod sa ilang tabang nga mapatahan ang mga terorista.
Si Besana miingon nga kumpirmadong sakop sa mga Maute-ISIS ang mga mitahang suspek kinsa sakop sa sub- leader nga si Mubarak Manalo o mas naila nga si alias Mubarak.
Nasayran nga ang maong grupo ang mihimo’g kagubot sa Marawi City nga nagresulta sa lima ka bulan nga giyera sa tuig 2017.
